"Қизилқум"нинг икки етакчиси келаси мавсумни бошқа жамоада ўтказиши мумкин

"Қизилқум" сафидаги ўйинлари билан эътиборга тушган легионерлар Акаки Шулая ва Элгужа Лобжанидзенинг Навоий клуби билан тузган шартномаси бир ойдан сўнг, яъни 31 декабрь куни якунига етади. 

Биздаги маълумотларга қараганда, футболчилар билан Суперлиганинг бир нечта клуби жиддий қизиқиб қолган. Легионерлар бир нечта маҳаллий жамоа эътибор марказида турибди. 

"Қизилқум" янги шартнома бериб уларни қолишга кўндириши лозим, амммо бу осон бўлмайди. Келаси мавсумда элитадаги жамоалар сони ортиши, синовдан ўтган футболчиларга талабни оширади.

Маълумот учун, Шулая жорий мавсум Суперлигада 21 та баҳсда қатнашиб, 4 та гол ва иккита голли узатмани амалга оширди, Элгужа эса 17 ўйинда 8 бора рақиблари дарвозасини ишғол қилди.