ПСЖ “Реал” юлдузини катта суммага олмоқчи
- 21-феврал 2025, 22:18
- Ali Ahmadxo’jayev
- 0
- Футбол
“Пари Сен-Жермен” келаси мавсум олдидан таркибини кучайтириш мақсадида “Реал”дан ўйинчи олишни мўлжаллаяпти.
Манбаларга кўра, парижликлар Эдуардо Камавингага жиддий қизиқиш билдиряпти. ПСЖ хўжайинлари мадридликларни франциялик ярим ҳимоячини қўйиб юборишга кўндириш учун 80 миллион евро миқдорида бадал пули таклиф қилмоқчи.
Франция чемпионлари Камавингани нишонга олгани бежиз эмас. Жамоа ярим ҳимоячиси Фабиан Руис ёзда бошқа клубга ўтмоқчи. Луис Энрике унинг ўрнида Камавингани ўйнатишни мўлжаллаган.
Камавинга иқтидорига қарамай, “Реал”нинг алиштириб бўлмас ўйинчисига айлана олгани йўқ. “Қироллик клуби” франциялик легионер бўйича музокараларга очиқ.
22 ёшли футболчининг клуб билан ҳамкорлиги 2029 йилнинг 30 июнигача давом этиши белгиланган. Бироқ Париж клуби мутасаддилари таклиф қилинаётган сумма “Реал”ни кўндиришга етарли, деб ҳисобламоқда.