ПСЖ Неймар эвазига "Барселона"дан 3 та футболчи сўрамоқда. Улар кимлар?

ПСЖ клуби раҳбарияти бразилиялик ҳужумчи Неймарнинг эвазига "Барселона"дан 3 та футболчи талаб қилмоқда.

Mundo Deportivo нашри тарқатган хабарга кўра, парижликлар таркибда француз футболчиларининг сони кўпайишини хоҳлашмоқда ва шу боис “кўк-анор ранглилар”дан Неймар эвазига Усмон Дембеле, Жан-Клер Тодибо ва Самюэль Умтитини беришни сўрамоқда.

Айтиш керакки, ҳозирги трансфер бозорида Неймарнинг нархи 128 миллионга, Дембеленики 56 миллионга, Тодибоники 9 миллионга, Умтитиники эса 32 миллион еврога баҳоланмоқда.