ПСЖ футболчилари жазоланиши мумкин!

Лига 1 Тартиб-интизом қўмитаси тез орада ПСЖ - "Марсель" (4:0) учрашувидан кейин юзага келган вазият бўйича қарор қабул қилади.

Хабарингиз бор, ижтимоий тармоқларда Усмон Дембеле, Рандал Коло-Муани, Левен Курзава ва Ашраф Ҳакими мухлислар билан биргаликда мағлубиятга учраган рақиби ҳақида ҳақоратомуз ҳайқириқлар айтишган видео пайдо бўлди.

 

"L’Equipe" нашри хабарига кўра, Дембеле, Коло-Муани, Курзава ва Ҳакими бир ўйинга дисквалификация қилиниши мумкин.

Эслатиб ўтамиз, ПСЖ навбатдаги ўйинини 30 сентябрь куни "Клермон"га қарши ўтказади.