Про лига. “Локомотив” Суперлига йўлланмасига эга чиқди, “Арал” плей-оффга йўл олди

Про лиганинг 20-туридан ўрин олган икки учрашув бўлиб ўтди.

“Олимпик Мобиуз” ўз майдонида “Жайҳун”ни йирик 4:0 ҳисоби билан мағлуб этди. Суперлига йўлланмаси учун ҳал қилувчи аҳамиятга эга бўлган баҳсда эса “Арал” Тошкентнинг “Локомотив” жамоасини 1:0 ҳисобида таслим этди.

Шунга қарамай, ушбу натижадан кейин ҳам “темирйўлчилар” Про Лига чемпиони сифатида Суперлига йўлланмасини қўлга киритди. “Арал” эса плей-офф босқичида иштирок этади. Ўтиш ўйини 14 декабрь куни бўлиб ўтади.