Превью. "Пахтакор" - "Андижон"

Суперлига 5-тур ўйинида 13 апрель куни "Шерлар" Тошкентда "Андижон"ни қабул қилишади.

Ҳозирга қадар жамоалар чемпионатларда 56 бор тўқнаш келишган. Улардан 41 тасида "Пахтакор" ғалаба қозонган бўлса, 9 баҳсда дуранг натижа қайд этилган. Фақат 6 марта "Андижон" футболчилари муваффақиятга эришган. Рақиб дарвозасини 132 марта ишғол қилган жамоамиз 39 гол ўтказиб юборган.

Тошкентда ўтказилган 28 баҳснинг 24 тасида мезбонлар зафар қучган. 4 баҳсда эса кучлар тенг келган. Юқори лигада "Андижон" кўп мавсум ўйнагани сабабли мазкур жамоалар тўқнашуви ҳам тарихий учрашувлардан ҳисобланади. Ўзаро ўйинлардаги энг йирик натижа - 6:0 ҳисоби 2015 йил Тошкентдаги учрашувда кузатилган.

"Пахтакор" ва "Андижон" жамоалари ўртасидаги беллашув 13 апрель, якшанба куни "Жар" стадионида соат 18:00 да бошланади.