"Манчестер Юнайтед" ярим ҳимоячиси Поль Погба АПЛ 12-тури "Манчестер Сити"га қарши ўйиндан сўнг, жамоа мухлисларига юзланди.
Олдинроқ, францияликнинг агенти Мино Райола мижози клубни тарк этиши ҳақида айтиб ўтган, шундан сўнг, унинг келажаги ҳақида турли гап-сўзлар тарқалган эди.
"Доимо "Манчестер Юнайтед", жамоадошларим, мухлислар учун курашганман ва курашишда давом этаман. Бекорчи гаплар - муҳим эмас. Келажак олдинда, мен учун бугуним аҳамиятга эга, шундай экан, ўз ишимга 1000 фоиз эътибор қаратганман.
Биз доимо биргаликда кучлимиз. Жамоадошларим билан муаммолар йўқ ва бу ўзгармайди ҳам", - дея #SpeakTheTruthOrRemainSilent ("ҳақиқатни гапиринг ёки жим туринг – Sports.uz) теги остида пост қолдирган Погба.
Изоҳлар (0)
Ҳозирча изоҳлар йўқ