Перес Винисиусни қўйиб юбормоқчи эмас

"Реал" президенти Флорентино Перес Винисиус Жуниорнинг клубдан кетишига йўл қўймаслик ниятида.

Бу ҳақда Radio Marca эфирида журналист Роберто Гомес маълум қилди. Унинг маълумотига кўра, Перес вингернинг "Реал"ни тарк этишини истамаяпти ва мадридликларнинг режаси бразилиялик билан келишувни имкон қадар тезроқ узайтиришдан иборат.

Аввалроқ, Винисиус "Сантяго Бернабеу"даги мухлисларнинг ҳуштакбозлиги туфайли "Реал" билан 2027 йилда тугайдиган шартномани узайтиришга шубҳа қилаётгани ҳақида хабарлар тарқалган эди.