"Пахтакор"нинг 10 нафар футболчиси терма жамоаларга кетди

ФИФА кунлари муносабати билан чемпионатимизда кичик танаффус. Бир қанча ўйинчилар терма жамоаларга жалб қилинли. Айниқса, Тошкентнинг “Пахтакор” клубидан 10 нафар футболчи турли терма жамоалар сафига чақирилди.

Жумладан, клуб матбуот хизматининг хабар беришича, Диёр Холматов миллий термамиз билан Гонконгга қарши кечадиган жаҳон чемпионати саралаш баҳсларига таклиф этилди. Кими Мерк Қирғизистон, Павел Павлюченко эса Беларусь терма жамоаси таркибига чақирилди.

Владимир Назаров, Беҳруз Асқаров ва Пўлатхўжа Холдорхонов олимпия терма жамоаси билан Қатарнинг Доха шаҳрида ўтадиган йиғинда қатнашади.

Шунингдек, Дилшод Абдуллаев, Ислом Анваров, Нурлан Ибраимов ва Саидумар Саиднуруллаев Ўзбекистон U-20 терма жамоаси билан Тошкентдаги йиғинга жалб этилди.