"Пахтакор"га қарши жавоб беллашувидан аввал "Ал-Ҳилол"нинг муҳим футболчиси сафдан чиқди

Элит Осиё Чемпионлар лигаси плей-офф босқичида "Пахтакор" "Ал-Ҳилол" билан тўқнаш келди. Илк учрашувда "шерлар" 1:0 ҳисобида саудияликларни мағлубиятга учратган эди. 
 
Бўлажак учрашувдан аввал "Ал-Ҳилол" ҳужумчиси Митрович жавоб беллашувини ҳам ўтказиб юбориши маълум бўлди. Бу ҳақида клубнинг Х (твиттер) тармоғида эълон қилинди. 
 
Маълум бўлишича, тиббий ходимлар Александрни якшанба кунги машғулотлардан четлатишга қарор қилишган. Сербиялик форвард чарчоқ ва аритмия (юрак ритмининг бузилиши) ҳис қилгани сабабли, касалхонга етказилган. Унинг қачон сафга қайтиши ҳали ҳамон номаълумлигича қолмоқда. 
 
Эслатиб ўтамиз, Элит ОЧЛнинг жавоб беллашуви 11 мартдан 12 мартга ўтар кечаси Тошкент вақти билан 01:00 да бўлиб ўтиши режалаштирилган.