"Пахтакор" легионерга айланган футболчисига омад тилади

Кеча "Пахтакор" клуби футболчиси Ҳумоюнмирзо Иминов легионерга айлангани борасида хабар бергандик.  У фаолиятини Беларусда давом эттиради.

- Ярим ҳимоячи "Пахтакор" сафида Ўзбекистон чемпионатида 6, Осиё Чемпионлар Лигасида бир ўйинда иштирок этган. Кўпроқ ўйин амалиётига эга бўлиши мақсадида Иминов Беларуснинг "Энергетик-БГУ" жамоасига бир йил муддатга, исталган пайтда ортга қайтариш шарти билан ижарага берилди. Биз Иминовнинг Беларусдаги фаолиятига омад тилаймиз, - дейилади клуб хабарида.

"Пахтакор" футболчиси легионерга айланди. Ҳамюртимиз Европага йўл олди (Фото)

Йил бошида ўзбекистонлик икки нафар футболчи Жасурбек Яхшибоев ва Шаҳбоз Умаров Беларусь чемпионатига кўчиб ўтганди. Айни пайтда Яхшибоев "Шахтёр"да ўйнаётган бўлса, Умаров "Энергетик-БГУ"да тўп тепмоқда. Умаров ҳам БАТЭ клуби билан шартнома тузиб қўйган.