Ўзбекистонлик боксчи "Top Rank" билан шартномасини бекор қилдими?
- 11-декабр 2020, 20:31
- Ahmadbek Eshmatov
- 0
- Бокс
Профессионал боксчимиз Қудратилло Абдуқаҳҳоров айни кунларда Америка Қўшма Штатларида бўлиб турибди. У амалда машҳур Боб Арумнинг "Top Rank" промоутерлик компанияси билан шартномага эга эди. Бироқ, ушбу шартнома бекор бўлганлиги ҳақида хабарлар пайдо бўлди. Мазкур воқеликка аниқлик киритиш мақсадида биз унинг менежери малайзиялик Викрам Свапрагасам билан боғландик.
"Бекор бўлди, дея олмайман. Мен “Top Rank”дан унинг контрактини сотиб олдим. Биз яхши муносабатлар билан хайрлашдик. “Top Rank” ва Боб Арумдан миннатдормиз. Улар бизга Америка Қўшма Штатларида жанг қилиш ва транслация бўйича яхши имконият яратиб берди.
Қудратилло кўпроқ жанглар қилиши ва уни актив ҳолда ушлашимиз керак. Ҳозирда у эркин агент ва биз бошқа промоутерлик компаниялар билан музокаралар олиб бормоқдамиз. Умид қиламанки, келаси ҳафта қайси компания билан шартнома имзолаганимизни эълон қиламиз",-деди менежер.
Vуроджон Аҳмадалиевнинг ҳимоя жанги Тошкентда бўлиб ўтадими? Унинг ёрдамчи менежери жавоб берди