Ўзбекистонга қарши 10-ўйин!

2015 йил Ўзбекистон ва Эрон терма жамоалари ўртоқлик ўйини ўтказишди. Ушбу баҳсда Карлуш Кейруш шогирдлари Меҳди Торабининг ягона голи эвазига ютиб кетади. Шу билан биргаликда, учрашувда яна бир воқелик содир бўлади.

Беллашувни 23 ёшли Меҳди Тареми исмли ҳужумчи асосий таркибда бошлаганди. Бу футболчининг терма жамаодаги дебют ўйини ҳисобланади. Шундан кейин у ўзбекларга қарши барча турнирларда 9 маротаба тўқнаш келди. 

Тошкентда бўлиб ўтган сўнгги баҳсда жамоасининг иккинчи голини урган Тареми 9 та учрашувдан 3 марта дарвозамизни ишғол қилган бўлса, битта ассист ҳам амалга оширган.

Яқинлашиб келаётган учрашув футболчи учун Ўзбекистонга қарши 10-ўйин бўлади.