Ўзбекистон Сурияга мағлуб бўлди

ФИФА кунлари доирасида ўтказилаётган Ўзбекистон ҳамда Сурия терма жамоалари ўртасидаги ўртоқлик учрашуви ўз якунига етди. Унда сурияликлар 1:0 ҳисобида ғалаба қозонди.

Ўйиндаги ягона гол 48-дақиқада Маҳмуд ал-Мавас томонидан киритилди. Ҳимоячиларимизнинг сунъий офсайд ҳосил қилишдаги хатосидан фойдаланган рақиб футболчиси дарвозабонимиз билан бирга-бир вазиятга чиқиб борди ва дарвозани ишғол этди.

Энди вакилларимиз 17-ноябрь куни Ироқ термасига қарши навбатдаги ўртоқлик учрашувида майдонга тушади.

{online}2199{/online}