Ўзбекистон миллий терма жамоасининг бўлажак мураббийи "Бунёдкор"да

Бир неча кун аввал, ЎФA Ўзбекистон миллий терма жамоасига янги бош мураббий тайинлаш бўйича бир қарорга келгани борасида хабар берди. Унга кўра, словениялик мураббий Сречко Катанец номзоди маъқул кўрилган.

Томонлар билан оғзаки келишувга эришгач, Сречко Катанец музокараларнинг якуний босқичини ўтказиш учун юртимизга ташриф буюриши кутилганди. 19 августга ўтар кечаси хорижлик мутахассис Тошкентга келди. Энди у ЎФА вакиллари билан келишиб олиши керак бўлади.

Бугун словениялик мураббий ЎФА биринчи вице президенти Равшан Эрматов ҳамроҳлигида "Бунёдкор" билан танишди. Улар стадиондаги музей ва академияни кўздан кечирмоқда.

Ҳозирча, келишув бўйича маълумот берилмади. Воқеалар ривожини SPORTS.uz сайтида кузатишда давом этинг!