Ўзбекистон делегацияси Баҳрайнга йўл олди

2025 йил 22–31 октябрь кунлари Баҳрайн давлати, Манама шаҳрида бўлиб ўтадиган “III Ёшлар Осиё ўйинлари”да Ўзбекистон шарафини ҳимоя қилувчи волейбол ва гандболчи ёшларимиз бугун делегация таркибида жўнаб кетишди.

Ёш спортчиларимиз турли спорт турлари бўйича Осиёнинг энг кучли рақиблари билан баҳс олиб боришади. Мусобақада уларнинг мақсади — нафақат медалларни қўлга киритиш, балки Ўзбекистон байроғини ғурур билан баланд кўтаришдир. Бу ҳақда Ўзбекистон Республикаси Спорт вазирлиги хабар берди.

Спортчиларимизга омад ва зафарлар тилаймиз!