Ўзбекистон автоспорт терма жамоаси нуфузли мусобақада медаллар қўлга киритди

2025 йил 26–28 сентябрь кунлари Шри-Ланканинг Бандарагама картинг трассасида Осиё-Тинч океани минтақавий автоспорт чемпионати — Asia Pacific Motorsport Championship 2025 бўлиб ўтди. Мазкур нуфузли мусобақа 18 та давлатдан ортиқ 200 дан зиёд спортчини ва бешта турни ўзида жамлади.

Ўзбекистон Республикаси Автоспорт терма жамоаси қуйидаги йўналишларда иштирок этди:
 • Karting Slalom (Cadet, Senior)
 • Karting Endurance
 • Gymkhana (Male, Female)
 • Cross Car
 • Esports (Sim Racing)

Спортчиларимиз натижалари:

 Karting Slalom (Cadet) — Владислав Ким 3-ўринни эгаллади.
Karting Endurance — Ли Сенман ва Амир Хамраев 3-ўринни қўлга киритишди.

Cross Car — ушбу йўналишда илк марта қатнашган Фаррух Урунов муносиб натижа кўрсатиб, 4-ўринни эгаллади.

Karting Slalom (Senior) — Камолиддин Нажмиддинов ва Самина Ахмаджонова мос равишда 11- ва 13-ўринларни эгаллашди.

 Esports (Sim Racing) — Миразам Юсупов ва Рустам Хабиров ярим финалгача етиб боришди.

 Gymkhana (Male, Female) — Дилшод Юсупов, Алим Ахмаджонов ва Сабина Юсупова биринчи саккизталикка кира олишмади, аммо барибир ирода ва кучли характер намойиш қилишди.

Жамоавий ҳисобда Ўзбекистон терма жамоаси 2 та бронза медали билан 12-ўринни эгаллади.