Ўзбекистон 2025-йилги Жимхана бўйича Осиё чемпионатининг биринчи босқичида подиумга кўтарилди

НАФКУ жамоаси учун халқаро майдонда ажойиб бошланиш! Олмаота шаҳрида Asia Auto Gymkhana Championship 2025 Осиё чемпионатининг биринчи босқичи якунланди ва NAFKU жамоаси ишончли тарзда ушбу босқич етакчилари қаторидан жой олди.

Дилшод Юсупов машғулотларда энг яхши вақтни кўрсатиб, саралаш босқичида иккинчи ўринни эгаллади. Жуфтлик баҳсларида Дилшод Юсупов ва Алим Аҳмаджонов биргаликда юқори тезлик ва идеал мувофиқлик намойиш этиб, эркаклар жуфтлик баҳсларида Ўзбекистон кумуш медалини қўлга киритди.

Биринчи босқич якунларига кўра, Ўзбекистон умумжамоа ҳисобида иккинчи ўринда бормоқда.

Олдинда чемпионатнинг тўрт босқичи бор: Шри-Ланка, Ҳиндистон ва Тайпей, энг муҳими, финал Ўзбекистонда бўлиб ўтади!