Бирлашган Араб Амирликларининг Абу Даби шаҳрида от спортининг конкур йўналиши бўйича ўтказилган CS12* халқаро турнирида мамлакатимиз терма жамоаси аъзолари ҳам муваффақиятли иштирок этди.
Жумладан, ушбу мусобақада Абдураҳмон Абдуллаев "Go Four It V" лақабли отида иштирок этиб, ўз йўналишида кумуш медалга сазовор бўлди.
Шунингдек, турнирда яна бир вакилимиз Баҳромжон Ғозиев "Lady" номли тулпори билан еттинчи ўриндан жой олди.
Эслатиб ўтамиз, бундан бир неча кун аввал БААнинг Фужайра шаҳрида ташкил этилган конкур бўйича уч юлдузли халқаро турнирнинг Гран-при йўналишида Абдураҳмон Абдуллаев кумуш, Бекзод Қурбонов эса бронза медалини қўлга киритган эди.
Изоҳлар (0)
Ҳозирча изоҳлар йўқ