Ўткир Юсупов Суперлигага қайтадими?

Ўзбекистон терма жамоаси ва "Фулад" клуби посбони Ўткир Юсупов "Нефтчи" клубига ўтиши ҳақида хабарлар тарқалган эди.

Бизга маълум бўлишича, легионеримизнинг Суперлигага қайтиши борасидаги хабарларда асос йўқ. Терма жамоамиз посбонининг Эрон клуби билан икки йиллик шартномаси бор. Юсуповнинг ўзи ҳам қайтиш ҳақида ўйламаяпти.

Эслатиб ўтамиз, 33 ёшли посбон жорий мавсум Эрон Про Лигасида 10 та ўйин ўтказди ва 5 та баҳсда дарвозаси дахлсизлигини сақлаб қолди.