Отабек Нарзуллаев: "Албатта, мағлубиятга мураббий айбдор"

”Қизилқум” - “Машъал” (1:0) ўртасидаги ўйиндан кейин меҳмонлар бош мураббийи Отабек Нарзуллаев матбуот анжуманида қуйидагича фикр билдирди.

“Биз учун муҳим ўйин эди. Учрашувга яхши тайёрлангандик. Битта хато мағлубиятга олиб келди. Йигитлар қўлидан келганича ҳаракат қилишди. Албатта, мағлубиятга мураббий айбдор. Футболчиларда озгина шижоат бўлиши керак. Меҳнат ҳам қилиш лозим. Биргина шижоатни ўзи етмайди. Ҳозирги ҳолатимизни яхши деб бўлмайди. Уйда “Бухоро”ни қўйиб юбордик. “Қизилқум”га ютқазиб қўйдик. Нима дейишга ҳам ҳайронман. Меҳнат қиляпмиз, футболчиларга ўргатяпмиз, тушунтиряпмиз. Хато қиляпмиз, ютқазяпмиз. Агар хато қилмасак ютқазмаймиз.

“Қизилқум” жамоасини биламиз. У ерда дўстимиз Акмал анчадан бери ишлаяпти. Футболда хато қилсангиз ютқазасиз. Захирага кўпроқ ёшларни олиб келгандик. Академия ёшларига имконият беришимиз лозим. Кейинги йилга тайёрлашимиз даркор. Қачонгача легионерларга таяниб иш қиламиз. Мағлубият бўлаётган пайтда қаердадир ёшлар ўз сўзини айтиши мумкин. Уларга умид қилган ҳолда майдонга туширгандик”.