Осиё ва Пара Осиё ўйинларининг ғолиб ва совриндорларига қанча мукофот пули берилиши эълон қилинди

2022 йилда Ханчжоу шаҳрида (Хитой) бўлиб ўтадиган XIX ёзги Осиё ва IV Параосиё ўйинларига Ўзбекистон спортчиларини комплекс тайёрлаш тўғрисида Ўзбекистон Республикаси президентининг қарори эълон қилинди.

Қарорга кўра, Осиё ва Параосиё ўйинларида ғолиб ва совриндор бўлган Ўзбекистон спортчилари қуйидаги тартибда бир марталик пул мукофотлари билан тақдирланади:

олтин медаль учун – 5 000 АҚШ доллари;

кумуш медаль учун – 3 000 АҚШ доллари;

бронза медаль учун – 2 000 АҚШ доллари;

Ушбу спортчиларини тайёрлаган тренерлар эса қуйидагича мукофотланади:

олтин медаль учун – 2 500 АҚШ доллари;

кумуш медаль учун – 1 500 АҚШ доллари;

бронза медаль учун – 1 000 АҚШ доллари;

Шунингдек, Осиё ва Параосиё ўйинларида ғолиб ва совриндор бўлган Ўзбекистон спортчиларини тайёрлаган бошқа мутахассислар (шифокор, диетолог, массажист ва бошқалар):

олтин медаль учун – 2 000 АҚШ доллари;

кумуш медаль учун – 1 000 АҚШ доллари;

бронза медаль учун – 500 АҚШ доллари миқдорида ҳар бир медаль учун бир марталик пул мукофотлари билан рағбатлантирилади.

Эслатиб ўтамиз, Ханжчоу-2022 Осиё ўйинлари жорий йилнинг 10 - 25 сентябрь кунлари, Пара Осиё ўйинлари эса 9 октябрдан 15 октябрга қадар бўлиб ўтади.