Осиё қитъасида ЖЧ саралаш босқичининг формати ва қайси саналарда ўтказилиши маълум қилинди (фото)

Жаҳон чемпионатининг Осиё қитъаси учун саралаш босқичи формати эълон қилинди. Шунингдек, саралашнинг қайси кунлари бўлиб ўтиши ҳам маълум бўлди. 

Унга кўра, Жаҳон чемпионати Осиё қитъасининг биринчи саралаш босқичида 22 жамоа иштирок этади. Мазкур саралаш рейтингда 26 дан 47-ўринда жойлашган жамоалар ўртасида бўлиб ўтади. 

Иккинчи босқичда 36 жамоа қатнашади. Рейтингда 1 дан 25 гача бўлган поғоналарда жойлашган мамлакат жамоалари ҳамда биринчи босқичда ғолиб бўлган 11 та жамоа иштирок этиши мумкин бўлади.  36 терма вакиллари 4 тадан 9 гуруҳга бўлинади. 1 -ўринни қўлга киритган жамоалар 3-босқичга йўлланма олади. Шунингдек, энг яхши 3 та терма навбатдаги босқичга чиқади.

3-босқичда 6 тадан жамоа 2 гуруҳга бўлинади. 1 ва 2-ўринни қўлга киритган жамоалар тўғридан-тўғри ЖЧга йўлланма олса, 3-ўрин соҳиблари ўзаро майдонга тушади. Ундаги ғолиб терма Жанубий Америка ва Океания қитъаси ғолиби билан мундиал йўлланмаси учун беллашади.

Биринчи саралаш босқичи октябрь ойида, иккинчиси 2023 йил ноябрдан 2024 йил июнь ойига қадар, учинчи босқич 2024 сентябрдан 2025 йил июнига қадар бўлиб ўтиши режалаштирилган.