Осиё кубоги. Ўзбекистон Қувайтни тор-мор этиб, кейинги босқич масаласини ҳал қилди

Осиё кубоги 2-туридан ўрин олган Қувайт - Ўзбекистон баҳси бўлиб ўтди. Мазкур беллашувда ҳамюртларимиз 5:0 ҳисобида рақибдан устун келди. 

Голларга Алибек Давронов, Муҳаммадқодир Ҳамралиев, Ҳожимат Эркинов, Диёр Холматов ва Ҳусайн Норчаев муаллифлик қилди. Қайд этиш лозим, Норчаев ҳакам томонидан қўшиб берилган дақиқаларда пенальтидан фойдалана олмади. Шунингдек, рақиб футболчиси Ал-Тавил 73-дақиқада қизил карточкага лойиқ кўрилди. 

Икки учрашувдан сўнг 6 очко қўлга киритган вакилларимиз ўз гуруҳида пешқадам бўлиб турибди. Худди шунча очкога эга Вьетнам билан кейинги турда 1-ўрин масаласини ҳал қиламиз.