“Спартак”даги легионеримиз Остон Ўрунов фаолиятини ижара асосида “Уфа”да давом эттириши ҳақида хабар берган эдик.
Россия оммавий ахборот воситалари тарқатаётган хабарларга қараганда, ҳамюртимизнинг трансфери келаси ҳафта ҳал этилади.
Sport24 сайти вакили Евгений Семеновнинг аниқлашича, “Спартак” ўзбекистонлик футболчини ҳали Уфа шаҳрига кетишига рухсат бермаган.
Остон Ўрунов 2020 йилнинг бошида Тошкентнинг “Локомотив” жамоасидан “Уфа”га кўчиб ўтган эди. Мавсум якунлангач, “Спартак” истеъдодли ярим ҳимоячини ўз сафига қўшиб олди ва 2025 йилнинг ярмигача шартнома имзолади.
Остон Ўруновга Москва клубида ўзини кўрсатишга имкон беришмади. Кейинроқ, қишда “Уфа” уни ижарага олганди. Мавсумнинг иккинчи ярми ҳам Остонга омадсиз келди.
“Спартак”ни қабул қилиб олган янги бош мураббий Руй Витория ҳам Остон Ўрунов ҳозирча жамоага керак эмаслигини таъкидлади.