Ўринбоевга Суперлиганинг икки клубидан таклиф бор

"Металлург" капитани Забиҳилло Ўринбоевнинг жамоа билан тузган шартномаси якунланди. Ҳужумчи фаолиятини Суперлиганинг бошқа клубида давом эттириши мумкин. 

"Sports.uz"га маълум бўлишича, Ўринбоевга "Навбаҳор" ва "Бунёдкор"дан таклиф бор. Шунингдек, у тез орада келажаги борасида бир қарорга келади. 

Бу жамоалар Забиҳиллога бегона эмас. Страйкер 2020-2022 йилларни Наманганда ўтказган бўлса, "қалдирғочлар" академиясида таҳсил олган ва 2017 йилда клубни тарк этган.