Орадан 10 йил ўтиб, тарих такрорланди

"Барселона" ҳимоячиси Рональд Араухо Ла Лига 29-тури доирасидаги "Реал" Мадридга қарши 4:0 ҳисобида якунланган учрашувда гол урди.

Шу тариқа, уругвайлик футболчи "Сантьяго Бернабеу"да мадридликлар дарвозасини ишғол этган "кўк-анорранглилар"нинг сўнгги 10 йил ичидаги биринчи вакили бўлди. Ундан олдин бу ишни клуб афсонаси Карлес Пуйоль уддалаганди.

Испаниялик собиқ ҳимоячи 2012 йилги мавсум Испания Кубогида Хавининг узатмасидан сўнг "Реал" дарвозасига гол киритган. Хави ҳозир каталонияликлар бош мураббийи ҳисобланади.

"Барса" айни пайтда 54 очко билан Ла Лига турнир жадвалида 3-поғонани банд этиб турибди. Улар пешқадам "Реал"дан 12, иккинчи ўриндаги "Севилья"дан 3 очко ортда қолмоқда.