ОФК Кубоги. "Насаф" гуруҳни 1-ўринда якунлади!

ОФК Кубоги гуруҳ босқичи ўз якунига етди. 3-турдан ўрин олган учрашувда "Насаф" Туркманистоннинг "Олтин Аср" клубига қарши майдонга тушди. Ўйин вакилларимизнинг 2:0 ҳисобидаги ғалабаси билан якунланди.

Дастлаб, 27-дақиқада Шоҳмалик Комилов пенальтини аниқ амалга ошириб, ҳисобни очди. Орадан кўп ўтмай, Хусайн Норчаев бош билан йўллаган аниқ зарбаси орқали ҳисобни ишончли кўринишга келтирди.

Шу тариқа, гуруҳдаги барча ўйинларда ғалаба қозонган "Насаф" 9 очко билан кейинги босқичга йўл олди. Иккинчи поғонадаги "Олтин Аср" ҳисобида 4 очко мавжуд.

90+3. Учрашув якунланди. "Насаф" биринчи ўрин билан кейинги босқичга чиқди!

90+1. Тўпни ўйинга киритишни пайсалга солгани учун Неъматов огоҳлантирилди.

90. Ўйиннинг асосий вақтига 3 дақиқа қўшиб берилди.

90. Aлтймйрат Aннадурдиенинг узоқ масофадан берган зарбасига аниқлик етишмади.

89. Сардор Саъдуллаевнинг жарима майдони ичидан берган зарбасига аниқлик етишмади. 

86. Ўз сўнгига келиб Неъматовдан илк сейв. Абдувоҳид рақиб футболчисининг бош билан йўллаган зарбасидан кейин тўпни ушлаб олди.

85. Аннагулйега нисбатан қоида бузган Саъдуллаев огоҳлантирилди.

83. Норчаев ҳамда Aннагулйе ўзаро тўқнашиб кетди. Ҳак икки футболчига тиббий ёрдам кўрсатилмоқда.

82. Сўнгги дақиқаларда бироз хотиржамликка берилган "Насаф" жазоланиши мумкин эди. Бироқ "Олтин Аср" футболчиси йўллаган зарбага аниқлик етишмади.

80. Рақиб футболчисининг хавфли узатмаси йўналишини Алиқулов ўзгартирди. Неъматов тўпни ушлаб олди.

79. "Насаф" сафида яна икки ўзгариш: Жафар Каримов ва Сардор Саъдуллаев ўйинга қўшилди. Улар Шерзод Насруллаев ҳамда Марко Станоевични алмаштирди.

77. Ўйин тобора ўз якунига етиб бормоқда. Устунлик ҳамон футболчиларимиз томонда.

75. Мозговой жарима майдони ичида рақиб дарвозабонига нисбатан қоида бузди.

74. "Олтин Аср" футболчилари Ойбекка нисбатан бироз қалтис ўйнамоқда. Балки уни захирага олган маъқулдир.

73. Мурадов тўпсиз ҳаракат қилаётган Бозоровга нисбатан қўполлик ишлатди. Ҳакам негадир жим.

72.  Туркманистонликлар бурчак зарбасидан кейин хавфли вазият ярата олмади.

70. Икки футболчимизни алдаган рақиб футболчиси тўпни майдонда сақлаб қола олмади.

68. "Насаф" класс бобида рақибдан устунлиги аксарият вазиятларда яққол кўзга ташланмоқда.

66. Ғолиб Ғайбуллаев, Суҳроб Нуриллоев ва Шоҳмалик Комилов майдонни тарк этди. Улар ўрнига Дилшод Саитов, Шокир Йўлдошов ҳамда Aбубакр-Ризо Турдиалиев ўйинга қўшилди.

64. Комиловнинг зарбасига бироз аниқлик етишмади.

63. Футболчиларимиз рақиб жарима майдони яқинида тўпни ушлаб турибди.

61. Насруллаевнинг қанотдан етказиб берган паси ноаниқ чиқди.

60. "Аждарлар" майдон бўйлаб тўпни ўзларида ушлаб турибди.

58. Норчаевни қоида бузиш эвазига тўхтатган Aннагулйевга сариқ карточка кўрсатилди.

57. Марко Станоевичнинг кучли зарбасидан кейин тўп жонли девордаги футболчиларга тегиб, ўз йўналишини ўзгартирди.

55. Жарима майдонига ёриб кираётган Нуриллаевни қўли билан ушлаб қолган Турсунов майдондан четлатилди.

55. Кетма-кет ҳужумларимиз натижасида туркманистонликлар мудофаада бироз саросима билан ҳаракат қиляпти.

53. Жарима майдонига оширилган тўпни Неъматов ушлаб олди.

52. Станоевич рақибига нисбатан қоида бузди. "Олтин Аср"да стандарт вазият.

50. Бозоров техник ҳаракатлари билан яққол ажралиб турибди. Рақиб футболчилари Ойбекка нисбатан бироз қалтис ҳаракат қилмоқда.

48. Ҳозирча, туркманистонликлар тўпни ўзларида ушлаб турибди.

46. "Олтин Аср" сафида 3 ўзгариш: Бегмйрат Баёв, Бегенч Aкмамедов ҳамда Мекан Сапаров ўрнига Шамаммет Ҳйдйров, Бегенчмйрат Мйрадов ва Мйрат Aннаев ўйинга қўшилди.

46. Иккинчи тайм бошланди!

46. Футболчилар майдонга қайтди. Биз ҳам қайтамиз!

45+2. Биринчи бўлим футболчиларимизнинг тўлиқ устунлиги остида ўтди. Танаффус!

45+1. Стандартдан берилган зарба жонли девордан ўтмади.

45. Биринчи таймга 1 дақиқа қўшиб берилди.

45. Жарима майдони остонасида Мозговойга нисбатан қоида бузилди. Қулай позициядан зарба йўллаш имкониятига эгамиз.

43. Футболчимизга нисбатан қоида бузган Сапаров огоҳлантирилди.

41. Рақиб футболчиси йўллаган кучли зарба йўлига Ғайбуллаев тўсиқ бўлишни уддалади.

40. Комиловнинг жарима майдони чизиғидан йўллаган зарбасидан кейин тўп дарвоза устунидан қайтди.

38. Ҳисоб бизнинг фойдамизга, тўп назорати бизда. "Насаф"ни тўхтатиб бўлмаяпти!

37. Ўйин вакилларимизнинг тўлиқ устунлиги остида давом этмоқда.

35. ГООООООООООООООООЛ! "Насаф" ҳисобни ишончли кўринишга келтирди!

Жарима майдонига етказиб берилган тўпни Норчаев боши билан дарвозага жойлаб қўйди.

33. Станоевичнинг чиройли узатмасидан кейин Нуруллоев тўпни сақлаб қола олмади.

32. Ерлатиб берилган зарбадан кейин тўпни Абдавоҳид эгаллаб олди.

31. Неъматов жарима майдонига яқин ҳудудда стандарт вазиятга эга бўлди.

29. Ҳисобда олдинга ўтиб олган "аждарлар" фаоллик кўрсатишда давом этмоқда. Бу сафар Алиқуловнинг узатмасидан кейин рақиб жарима майдони ичида саросима юзага келди.

27. ГОООООООООООООООООООООООЛ! Учрашувда ҳисоб очилди!

Нуқта қаршисига келган Комилов ўзидан чап томонга зарба йўллаб, дарвозани ишғол этди.

26. Ойбек Бозоров жарима майдони ичида йиқитилди. Ҳакам пенальтига ишора қилди.

24. Жамоадоши узатган тўпга Марко ета олмади. Ўйин вакилларимизнинг тўлиқ устунлиги остида давом этмоқда.

22. "Олтин Аср" футболчиси ўйиндан ташқари ҳолатда қолиб кетди.

22. Станоевичнинг узатмасидан кейин Насруллаев тўпга мослаша олмади. Шерзоднинг зарбаси ноаниқ кетди.

21. Нуруллоевнинг фаол ҳаракатлари жамоасига бурчак зарбаси ишлаб берди.

19. Шоҳмалик Комиловнинг зарбасидан кейин Жаллодов тўпни ушлаб олди.

18. Станоевичнинг чап оёқда берган кучли зарбаси ноаниқ кетди.

17. Вакилларимиз бурчакдан тўпни ўйинга киритиш имкониятини қўлга киритди.

15. "Аждарлар" рақиб жарима майдони атрофида қисқа узатмалар билан ҳимоядаги бўш ҳудудларни изламоқда.

13. Комиловнинг зарбасига аниқлик етишмади. Рақиб дарвозабони эркин зарба билан тўпни ўйинга киритиб беради. 

12. Жарима майдонига оширилган тўпни Норчаев дарвозага йўллади. Тўп ўстун ёнидан ўтиб кетди.

10. Бу сафарги зарбани "Олтин Аср" дарвозабони эгаллаб олди.

8. Марко Станоевичнинг олис масофадан йўллаган зарбаси тўсин юқорисидан ўтиб кетди.

7. Бердиев шогирдлари қисқа узатмалар билан тўпни ўзларида ушлаб турибди.

5. Туркманистонликлар ҳали майдон марказини босиб ўта олмади. Тўлиқ устунлик футболчиларимиз томонда.

3. Жарима майдони ичидаги тўпни рақиб дарвозабони ушлаб олди.

2. Вакилларимиз илк дақиқалардан фаол ўйин намойиш этмоқда.

1.  Ўйин бошланди!

0. Сардорлар иштирокидаги расмий жараёнлар ортда қолди. Олға йигитлар!

0. Футболчилар майдонга тушиб келди. Старт учун барчаси тайёр!