ЎФА финал олдидан ОАВ ходимларига муҳим хабарни эълон қилди!

Хабарингиз бор, бугун пойтахтимиздаги "Бунёдкор" стадионида футбол бўйича U-20 Осиё кубоги финал учрашуви бўлиб ўтади. Ҳал қилувчи ўйинда Ўзбекистон терма жамоаси Ироққа қарши баҳс олиб боради.

Шу муносабат билан Ўзбекистон футбол ассоциацияси ОАВ ходимлари учун муҳим эслатмани маълум қилди.

"ОАВ вакиллари диққатига!

Ўзбекистон U-20 Осиё кубоги финал учрашувига қизиқиш юқори эканлигини инобатга олган ҳолда, ташриф буюрувчи ОАВ вакиллари “Бунёдкор” стадионига 5-кириш дарвозаси орқали стадионга киришлари мумкин бўлади. Бошқа дарвозалар орқали фақатгина мухлислар киритилади. Медиа вакиллари стадионда махсус зоналарда ҳаракатланиши, ўрнатилган тартибга риоя қилиши ва фақатгина 5-кириш дарвозаси орқали кириб-чиқишлари сўралади.

Стадионга киришда ОФК томонидан тақдим этилган аккредитациялар кўрсатилиши шарт", - дейилади ЎФА хабарида.