Никимбаев ЎзПФЛ ҳақида: Клублар ҳаваскорлар томонидан бошқарилишига жим қараб туришлари мени ажаблантиради
- 1-феврал 2025, 00:31
- Karim Xudayqulov
- 0
- Футбол
ЎзПФЛ регламентига кўра, клуб легионер ёки хорижлик мутахассис билан шартнома тузиш жараёнида 2025/26 йилги мавсум учун ОФК лицензиясини қўлга киритиши шарт (легионер футболчи билан амалдаги меҳнат шартномаси мавжуд бўлган клуб бундан мустасно).
Қизиқарли томони шундаки, лицензия апрель ойида берилади, клубларимиз эса ҳозиргача кўплаб легионерларни ўз сафига қўшиб олиб улгурди. Таниқли футбол мутахассиси Алишер Никимбаев ҳам бу вазиятга ўз муносабатини билдирди:
- Хорижлик мутахассислар ва футболчилар билан шартнома имзолаш учун клуб 2025-26 йилги мавсум учун ОФК лицензиясига эга бўлиши талаб этилади.
- ЎзПФЛ эса 2025-26 йилги мавсум учун лицензияни апрель ойида беришини инобатга олсак, шу пайтгача Ўзбекистоннинг бирорта ҳам клуби хорижлик футболчилар билан шартнома имзолаш ҳуқуқига эга эмас экан.
- Биласизми, мени нима ажаблантиради? Клублар ҳаваскорлар томонидан бошқарилишига жимгина қараб туришлари.
- Журналистларнинг жим туриши мени ажаблантирмайди. Аксар инсонлар нима бўлаётганини тушунмайди ҳам. Тушунадиган кам сонлилари эса муаммолар ҳақида гапиришдан қўрқишади.