Неймар учун яна Европага йўл очилди
- 11-август 2025, 11:55
- Zohir Toshxo’jayev
- 0
- Футбол
2026 йилги жаҳон чемпионатида Бразилия терма жамоасига етакчилик қилиш орзуси билан яшаётган Неймарда яна Европанинг “топ-лигалари”га қайтиш имконияти пайдо бўлди.
La Gazzetta dello Sport нашрининг ёзишича, Туриннинг “Ювентус” клуби машҳур юлдуз фаолиятидаги навбатдаги босқич бўлиши мумкин.
Манбага кўра, клуб раҳбарияти Неймарни трансфер қилиш имкониятларини кўриб чиқмоқда.
Туринликлар “Барселона” ва “Пари Сен-Жермен”да порлаган юлдуз учун “Ювентус”даги фаолият муҳим аҳамият касб этишига ишонмоқда.
Ёзги трансферлар даврида Неймарга “Марсель”дан ҳам қизиқиш бўлган эди. Бироқ 33 ёшли футболчи “Сантос”да қолишни маъқул кўрганди.
“Ал-Ҳилол”даги муваффақиятсиз фаолиятидан кейин Неймар шу йилнинг бошида Бразилияга қайтиб, “Сантос” сафига қўшилди. Қадрдон жамоаси таркибида 18 та ўйинда майдонга тушган юлдуз тўртта гол ва учта ассист муаллифи бўлди.