Нега ҳамма мураббий ҳақида гапиряпти? Ёхуд Патрис Эвра "Манчестер Юнайтед" футболчиларини "тузлади"!

"Манчестер Юнайтед" клуби ва Франция терма жамоасининг собиқ футболчиси Патрис Эвра МЮ футболчиларига мурожаат қилди.

"Нега ҳамма мураббий ҳақида гапиряпти? Келинг, "Манчестер Юнайтед" футболчилари ҳақида гаплашайлик. Сиз "Юнайтед" вакилисиз! Буни тушуняпсизми? Бу клубда ўйнаганингиздан нақадар бахтлисиз! Клубга нима бўляпти? Буни сиз футболчилардан сўраймиз. Бу Юнайтед. Ёмон ўйин учун танқид ёқмаса, кетинг!

“Юнайтед”нинг ДНКси ҳақида гапирганда, мен ғолиблик менталитети, ҳар йили чемпионликни қўлга киритиш истаги ва шу клуб учун майдонда жон беришга тайёрлигини тушунаман. Сизда эҳтирос бўлиши керак. Мағлубиятга учрасангиз ҳам майдонда бор кучингизни бериб ўйнашингиз керак. Мухлислар сизни олқишлайди. Ҳозир бундай бўлмаяпти. Мен ўйнаганимда, биз шон-шуҳрат ва пул учун эмас, балки мухлисларни хурсанд қилиш учун ўйнаганмиз”, - дейди Эвра.

Ральф Рангник бошчилигидаги "Манчестер Юнайтед" айни дамда премьер-лига мусобақа жадвалида 31 очко билан 7-ўринда бормоқда.