"Нефтчи"га бош мураббий тайинланди

Дмитрий Ан Қирғиз Республикасининг "Нефтчи" клуби бош мураббийига айланди.  Бу ҳақда журналист Тенгелсбек Мусаев ўзининг телеграм каналида хабар берди.

"Нефтчи"ни ўзбекистонлик мутахассис бошқаради. Янги мураббий Дмитрий Ан бўлади. 51 ёшли мураббий ўтган мавсумда "Навбаҳор" академиясида ишлаган.

2025 йилги мавсумда "Нефтчи"га дастлаб Александр Мочинов, кейин эса Анатолий Власичев мураббийлик қилди. Жамоа мавсумни 9-ўринда якунлади", - дейилади хабарда.