“Навбаҳор” яна “пешқадам”. Муборакликлар Суперлигани соғинмаган кўринади

18-20 март кунлари Суперлигада 3-тур ўйинлари ўтказилди. Беллашувларнинг натижалари ва унинг атрофидаги маълумотларни сайтимиз орқали чоп этиб бордик. Энди эса доимгидек мухлислар статистикасини ҳақола қиламиз.

Еттита ўйинга жами 39491 мухлис ташриф буюрди. Турнинг битта баҳсига ўртача 5642 ишқибозни ташкил қилди (аввалги тур билан солиштирганда, бу галги беллашувларга 2000 нафар кўпроқ томошабин келган).

Энг кўп мухлис Намангандаги “Марказий” аренада кузатилди. Марказий учрашувни 19358 одам шоҳиди бўлди. "Навбаҳор" уй ўйинини ўтказса, албатта, мухлислар статистикасида етакчиликни яна қўлга олади.

Энг кам ишқибоз Муборакда қайд этилди. “Машъал” иштирокидаги баҳсга 558 томошабин ташриф буюрди. Афтидан муборакликлар катта футболни соғинмаган кўринади.

Халқаро майдонда юртимиз шарафини ҳимоя қиладиган АГМК – “Пахтакор” тўқнашувини 3000 дан ортиқ мухлис кузатди. Бу мавсум “Қизилқум” жамоаси ўзгармоқда, мухлислари ҳам. Навоийликлар 3-турда ишқибозлар ташрифи бўйича иккинчи ўринни эгаллашди – 5632. Албатта, натижалар яхшиланса, ишқибозлар ҳам стадионга келади.

Қуйида Суперлиганинг ушбу турига ташриф буюрган энг кўп мухлислар (маълумотлар ПФЛ сайтидан олинди) кетма-кетлиги билан танишинг:

“Навбаҳор” – “Насаф” 0:0. 19358 томошабин

“Қизилқум” – “Сўғдиёна” 1:1. 5632 томошабин

“Турон” – “Локомотив” 2:2. 5000 томошабин

“Сурхон” – “Қўқон-1912” 1:1. 3576 томошабин

АГМК – “Пахтакор” 0:3. 3012 томошабин

“Бунёдкор” – “Андижон” 3:1. 2355 томошабин

“Машъал” – “Металлург” 2:1. 558 томошабин