"Навбаҳор" ва "Насаф" иштирокидаги ўйинларда ВАР тизимидан фойдаланилмайди

Бугундан Суперлигада 12-тур старт олмоқда. 21 июнь куни "Навбаҳор" - "Металлург", эртасига эса "Нефтчи" - "Насаф" учрашуви ўтказилади.

16 июнь куни ПФЛ расмий сайтида ушбу икки ўйинда ВАР тизимидан фойдаланилиши маълум қилинганди. Аммо бугун Ўзбекистон футбол ҳакамлари маркази кўчма телевизион станция билан боғлиқ муаммо сабабли Суперлига 12-туридан ўрин олган “Навбаҳор” — “Металлург” ҳамда “Нефтчи” — “Насаф” учрашувларида ВAР тизимидан фойдаланилмаслигини хабар берди.