"Навбаҳор" Ўруновга 100 минг евро маош беришга тайёр. Остоннинг "Спартак"да қанча маош олгани ҳам маълум

Бугун Остон Ўруновга оид трансфер маълумотлари жуда ҳам кўпайди. Россия ОАВ томонидан ҳамюртимизга қизиқаётган клублар ва унинг қанча маош олиши борасида хабарлар янграмоқда.

Metaratings.ru нашри Ўруновга "Навбаҳор" қизиқиш билдираётгани ва унинг маошини 6 баробарга камайтирган ҳолда беришга тайёрлигини ёзди. Яъни, ҳамюртимиз "Спартак" клубида йилига 600 минг евро маош олган. Наманганликлар эса унга йилига 100 минг евро маош беришга тайёрлигини билдирган.

Аммо Остон ижарага кетган тақдирда ҳам маоши қисқартирилишини истамаяпти. Москваликлар Остонни ижарага қўйиб юборган тақдирда ҳам унинг маошини ўз бўйнига олишни истамаяпти. Шунинг учун "қизил-оқлар" Ўруновни сотмоқчи. Маоши камайишини истамаётгани учун трансфер масаласи чўзилмоқда.

Остон Ўруновни ўз сафига қўшиб олмоқчи бўлган клублар учун муҳим маълумот

Манба: Ўзбекистон клуби Остон Ўруновга яна қизиқиш билдирмоқда