“Навбаҳор” мезбонлик қилса, етакчига айланади. Айниқса, рақиб "Пахтакор" бўлса

7-10 апрель кунлари Суперлигада 5-тур учрашувлари бўлиб ўтди. Натижалар билан сайтимиз орқали маълум қилиб бордик.

Энди эса турга оид қизиқарли маълумотларни тақдим этмоқдамиз. Яъни анъанамизга содиқ қолган ҳолда тур мухлисларининг статистикасини таништирамиз.

Бу гал стадионларимизга жами 36177 томошабин ташриф буюрди. Ҳар бир беллашувга ўртача 6030ни ташкил қилади (Бу тур АГМКнинг "Турон"га қарши ўйини ўтказилмади. Чунки олмалиқликлар ОЧЛ саралашида иштирок этишди).

Энг кўп мухлис Намангандаги “Марказий” аренада қайд этилди. Учрашувни 15992 одам шоҳидига айланди. “Лочинлар” мезбонлик қилса, мухлислар ташрифи борасида етакчига айланиши аниқ. Боз устига рақиб "Пахтакор" бўлса.

"Навбаҳор" - "Пахтакор" ўйинида пенальти бормиди? - Хайрулла Ҳамидовдан жавоб

"Навбаҳор" - "Пахтакор" ўйинидан кейин 7 киши жавобгарликка тортилди - Баёнот

АГМКнинг қолдирилган ўйини қачон ўтказилиши аниқ бўлди, битта учрашувининг санаси эса ўзгарди

Энг кам ишқибоз Термизда. “Сурхон” – “Локомотив” қарама-қаршилигига 1254 томошабин ташриф буюрди. Аммо аввалги турларга қараганда ўсиш кузатилди. Чунки энг кам ишқибозлар статистикаси 500 атрофида эди.

Яна бир марказий беллашув ҳам кўпчиликни қизиқтирди. “Бунёдкор” - "Сўғдиёна" баҳсини бевосита стадиондан 5100 мухлис томоша қилди.

Қуйида Суперлиганинг ушбу турига ташриф буюрган мухлислар статистикаси билан танишинг (мухлислар сони ПФЛ сайтидан олинди):

"Навбаҳор" - "Пахтакор" 1:2. 15992 томошабин

"Металлург" - "Андижон" 2:0. 6340 томошабин

"Қизилқум" - "Насаф" 1:2. 6165 томошабин

"Бунёдкор" - "Сўғдиёна" 2:2. 5100 томошабин

"Машъал" - "Қўқон-1912" 0:2. 1326 томошабин

"Сурхон" - "Локомотив" 0:1. 1254 томошабин