"Насаф"нинг бугунги ўйинига нечта чипта чиқарилгани ва жамоа қанча фойда кўриши мумкинлигини биласизми?

Бугун ОФК Кубоги-2021 ҳудудлараро ярим финалидан ўрин олган “Насаф” - “Мохун Баган” баҳси бўлиб ўтади. "Аждарлар" Қаршида Ҳиндистон клубини қабул қилади.

Учрашув 20:00да бошланади. Ўйинни "Узрепорт" телеканали жонли эфирда намойиш этади.

Стадионга мухлислар киришига рухсат берилди. Чипталар бугундан сотувга чиқди. Томошабинлар чекланган ҳолда стадионга қўйилади.

Учрашув учун 6 мингта чипта чиқарилган. Билетлар нархи эса 25 минг сўмдан этиб белгиланган. 6 мингта билет 25 минг сўмдан 150 000 000 сўмни ташкил қилади. Бугун қаршиликлар чипталар сотувида шунча маблағ ишлаб топиши мумкин.