МЮ Онанани Саудия клубига сотишга тайёр
- 4-сентябр 2025, 11:16
- Jahongir Inomjonov
- 0
- Футбол
Камерунлик дарвозабон Андре Онана энди "Манчестер Юнайтед"нинг режаларида йўқ.
"TalkSport" нашрининг хабар беришича, "қизил иблислар" 29 ёшли дарвозабонни Саудия Арабистони чемпионатига юборишга тайёр.
Манбанинг маълум қилишича, манкунианликлар африкалик футболчининг трансфери бўйича номи ошкор этилмаган бир клуб билан музокара олиб бормоқда. Transfermarkt порталига кўра, дарвозабоннинг қиймати 25 миллион еврони ташкил этади.
Онана инглиз клуби билан 2028 йил ярмигача мўлжалланган шартномани имзолаган. Андре ўтган мавсумда Англия чемпионатининг 34 та ўйинида иштирок этиб, 44 та гол ўтказиб юборган. Камерунлик тўққизта учрашувда дарвоза дахлсизлигини сақлаб қолган.
Изоҳлар (0)
Ҳозирча изоҳлар йўқ