Муроджон Аҳмадалиев ва Исроил Мадримов тарозидан муваффақиятли ўтди

Тошкент вақти билан 9 апрель тонгида АҚШнинг Техас штати, Сан Антонио шаҳрида бўлиб ўтадиган бокс оқшомида ҳамюртимиз Муроджон Аҳмадалиев ўзига тегишли бўлган WBА ва IBF камарларини Марлон Тапалесдан ҳимоя қилади. Баҳс олдидан расмий вазн ўлчаш маъросими бўлиб ўтди. 

 

Унга кўра, Аҳмадалиев 55,1 кг натижа қайд этган бўлса, Тапалес 55,2 кг тош босди.

 

Яна бир профессионал боксчимиз Исроил Мадримов ҳам Муроджон Аҳмадалиев билан бир оқшомда ўзининг навбатдаги жангини ўтказади. 10 раундлик баҳсда унга америкалик Рафаэл Игбокве қариб бўлади. Қайд этиш лозимки, ушбу баҳс Мадримовнинг асосий вазнидан битта юқори дивизионда бўлиб ўтади. 

 

Расмий вазн ўлчаш маъросимида Мадримов 72 кг, Игбокве эса 72,5 кг натижа қайд этди.