Мурод Холмуҳаммедов ван Дейкни ортда қолдирди

Футбол тарихи ва статистикаси Халқаро Федерацияси — IFFHS 2011—2020 йилларда энг кўп гол урган ҳимоячилар рўйхатини эълон қилди. Статистикани тузишда миллий чемпионат олий лигаси, мамлакат кубоги, клуб миқёсидаги расмий халқаро учрашувлар, миллий терма жамоа расмий ўйинларида урилган голлар ҳисобланган.

Унга кўра, “Қўқон-1912” ҳимоячиси Мурод Холмуҳаммедов 19-ўрин, узоқ вақт давомида “Металлург” клуби шарафини ҳимоя қилган, бугунги кунда “Янгиер” жамоасида фаолият олиб бораётган Дилмурод Каримов 52-ўринни эгаллаган.

Холмуҳаммедов бу борада “Ливерпуль” ҳимоячиси Виржиль ван Дейк ва “Реал” футболчиси Марселони, Каримов эса “Бенфика” футболчиси Ян Вертонген ва “Боруссия” ҳимоячиси Матс Хуммельсни ортда қолдирган.