Муҳаммад Салоҳ Диогу Жотанинг исмини эшитган пайтида ҳиссиётларини жиловлай олмади

Хабарингиз бор, Англия Премьер-лигасининг илк турида "Ливерпуль" ўз майдонида "Борнмут"ни қабул қилиб, 4:2 ҳисобида мағлуб этди. 
 
Ўйин давомида клуб ва мухлислар Жота ҳамда унинг укасининг хотирасини ёд этдилар. "Ливерпуль" ҳужумчиси Диогу Жота ва Португалия иккинчи лигасидаги "Пенафиэл" жамоаси футболчиси Андре Тейшейра да Силва 3 июль куни Испанияда йўл-транспорт ҳодисасида ҳалок бўлган эди. 
 
Ўйин якунлангач, "Энфилд" трибуналарида Жота номи янгради. Учрашувда сўнгги гол муаллифи бўлган Муҳаммад Салоҳ эса кўз ёшларига тўсқинлик қила олмади ва мухлисларни олқишлади.