Муҳаммад Салаҳ "Барселона"га ўтиши мумкин!

"Ливерпуль" ҳужумчиси Муҳаммад Салаҳнинг келажаги мавҳумлигича қолмоқда. Бунга мисрлик футболчининг шартномаси тугаётгани сабаб бўлмоқда.

"TEAMtalk" нашрининг хабар беришича, "Барселона" президенти Жоан Лапорта "қизиллар" вингерни "Барса"да кўрмоқчи. Манбанинг таъкидлашича, бу  "кўк-анорранглилар"га қимматга тушиши мумкин. Гарчи Салаҳ жамоага эркин агент сифатида келса ҳам. 32 ёшли ҳучумчи йилига 15 миллион евро маош олмоқчи ва бу каталонияликларни жиддий ўйга солган.
Эслатиб ўтамиз, африкалик юлдузнинг мерсисайдликлар билан амалдаги шартномаси 2025 йилги мавсумнинг ёзига қадар мўлжалланган. "Ливерпуль" ҳали унга янги шартнома таклиф қилмади.