Моуриньо "Фенербахче"га МЮдан юлдуз футболчи олиб келмоқчи

"Фенербахче" бош мураббийи Жозе Моуриньо ўз жамоасида "Манчестер Юнайтед" футболчисини кўришни истарди. Гап "қизил иблислар" бош мураббийи Рубен Аморимнинг режаларига кирмаган вингер Алехандро Гарначо ҳақида кетмоқда.

Трансфер News Live нашрининг хабар беришича, "Фенербахче" Гарначо учун 45 миллион евро таклиф қилиш имкониятини кўриб чиқмоқда.

Шу билан бирга, аввалроқ матбуотда 21 ёшли Алехандро Гарначо ёзги ойна ёпилгунга қадар "Челси"га ўтишни хоҳлаётгани ҳақида хабарлар тарқалган эди.

Эслатиб ўтамиз, Гарначонинг "Манчестер Юнайтед" билан амалдаги шартномаси 2028 йилнинг ярмигача мўлжалланган.