Моура ЕЧЛда ҳафта футболчиси деб топилди

Лондоннинг "Тоттенхэм" клуби форварди Лукас Моура Чемпионлар лигасида ҳафтанинг энг яхши футболчиси деб топилди. Бу ҳақда УЕФА расмий сайти хабар тарқатмоқда.

Таъкидлаш керакки, бразилиялик футболчи "Аякс"га (3:2) қарши бўлиб ўтган Амстердамдаги ўйинда хет-трик қайд этган эди.

Эслатиб ўтамиз, номзодлар орасида шунингдек Мусса Сиссоко ("Тоттенхэм"), Трент Александер-Арнольд ("Ливерпуль") ва Жоржиньо Вейналдум ("Ливерпуль") каби футболчилар ҳам бор эди.

Маълумот учун, “Ливерпуль” ва “Тоттенхэм” жамоалари ўртасидаги финал учрашуви 1 июнь куни Мадриддаги “Ванда Метрополитано” стадионида бўлиб ўтади.