Месси рекордларни забт этишда давом этади

Жаҳон чемпионати чорак финал баҳси доирасидаги Аргентина - Нидерландия ўйини жанубий америкаликларнинг ғалабаси билан якунланди. Шунингдек, аргентиналиклар сардори Лионель Месси жаҳон чемпионати тарихига кирди.

Науэль Молинага берган голли узатма Месси учун мундиаллар плей-офф босқичидаги бешинчиси бўлди ва у Пеленинг рекордини янгилади. Пеле ҳисобида эса тўртта голли пас мавжуд.

Эслатиб ўтамиз, Лионель Скалони шогирдлари ярим финалда Хорватия билан тўқнаш келади.