Месси ўзига жамоа танлади
- 6-июл 2025, 10:03
- Zohir Toshxo’jayev
- 0
- Футбол
Лионель Месси 2026 йили АҚШ, Мексика ва Канада мезбонлик қиладиган жаҳон чемпионатида иштирок этишга тайёргарлик кўрмоқда.
Мундиалга юқори спорт формасида етиб бориш учун 38 ёшли футболчи мунтазам ўйин амалиётига ва етарли даражада жисмоний тайёргарликка эга бўлиши талаб этилади.
Шу боис, кейинги пайтда бир неча манбалар Месси МЛСдан кучлироқ чемпионатга ўтиши ҳақида ахборот тарқатаётган эди. Маълум бўлишича, саккиз карра “Олтин тўп” соҳиби келажаги борасида аниқ режага эга.
Журналист Гастон Эдулнинг ёзишича, Месси келажагини “Интер Майами” билан боғламоқчи. Футболчи 31 декабрь куни якунланадиган шартномасини узайтириш бўйича музокараларни бошлаб юборган.
Манбага кўра, томонлар ҳамкорликни яна бир йилга узайтирмоқчи. Эслатиб ўтамиз, Лионель Месси 2023 йилнинг ёзида Европани тарк этиб, “Интер Майами” таклифини қабул қилганди.