Месси: "Олтин тўп"ни еттинчи бор менга бериш жиннилик!
- 1-ноябр 2021, 16:47
- Javokhir Azimov
- 2
- Футбол
ПСЖ ҳужумчиси Лионель Месси жорий мавсум "Олтин тўп"ни қўлга киритиш имкониятларини баҳолади
— Еттинчи бор бу совринни юта оласизми? Ким фаворит?
— Ростини айтсам, бундай деб ўйламайман. Мен учун энг катта соврин терма жамоам билан эришган ютуғим. Бунга эришиш учун кўп йиллар давомида курашганман. Аргентина билан "Копа Америка"да ғалаба қозониш бу энг яхшиси.
Агар совринни мен олсам, бу ғайриоддий нарса бўлади. "Олтин тўп"ни еттинчи бор менга бериш жиннилик! Аксинча бўлса, ҳеч нима бўлмайди. Мен энг катта орзуларимдан бирига аллақачон эришдим. Энди нима бўлиши керак бўлса, амалга ошсин",-деди аргентиналик футболчи.
Маълумот учун, Месси бу совринни қўлга киритиш бўйича рекордчи ҳисобланади. Унинг ҳисобида 6 та "Олтин тўп" бор. Леонинг энг яқин таъқибчиси Роналду 5 бор йилнинг энг яхши футболчиси, деб топилган.