Месси келажаги бўйича бир қарорга келди: Мухлисларга сюрприз бор!
- 22-сентябр 2025, 10:50
- Zohir Toshxo’jayev
- 0
- Футбол
Саккиз карра “Олтин тўп” соҳибига айланган Лионель Месси фаолиятини якунлашга яқин экани ҳақидаги хабарлар ўз тасдиғини топгани йўқ. Аргентиналик юлдуз келажаги бўйича якуний қарорга келди.
Журналист Начо Гарсиянинг маълум қилишича, 38 ёшли тўпурар “Интер Майами” билан янги ҳамкорлик шартномаси бўйича келишиб олди.
Манбага кўра, Мессига икки йиллик битим берилади. Месси истаса, яна бир йил жамоада тўп тепиши мумкин. Буёғи унинг ўша пайтдаги ҳолатига боғлиқ бўлади.
Энг муҳими, шартноманинг қўшимча опциялари ҳам келишилди. Месси футболчилик фаолиятини якунлаганидан кейин “Интер Майами”да ўз улушига эга бўлади ва клуб хўжайинлари қаторига қўшилади. Бу қадам “Интер Майами”нинг АҚШ футболидаги мавқеини ошириш мақсадида ташлангани айтилмоқда.
Лео “Интер Майами”да 2023 йилдан бери ўйнаб келади ва унинг амалдаги шартномаси 31 декабргача тузилган эди. Жорий мавсумда тажрибали ўйинчининг МЛСда 22 та учрашувда 22 та гол ургани ва 10 та ассист қайд этгани ҳали ҳамон Месси юқори спорт формасини ушлаб турганидан далолат беради.