Месси жароҳат олган, Ди Мария сўнгги баҳсини ўтказган финалда Аргентина ғалаба қозонди

"Копа Америка" финалидан ўрин олган Аргентина - Колумбия баҳси бўлиб ўтди. Мазкур учрашувда "альбисилесте" 1:0 ҳисобида зафар қучди. 

Беллашувнинг асосий вақтида ҳисоб очилмади. Экстра таймларнинг 112-дақиқасида эса Лаутаро Мартинес гол урди. Қайд этиш лозим, ўйиннинг 66-дақиқасида Лионель Месси жароҳат олиб, майдонни тарк этганди. 

Шу тариқа, Лионель Скалони бошчилигидаги Аргентина терма жамоаси "Копа Америка" ғолибига айланди.